• 23 февруари 2018
  • Вести денес: 70
МИА11:35 13 февруари 2018 ● Прочитано 1066

Вчерашната билатерална средба на шефовите на дипломатиите на Грција и Македонија, како и денешната заедно со медијаторот Метју Нимиц се најдоа во фокусот на грчките медиуми, а прашањето со името, повторно, се искачи високо на агендата на новинарите кај јужниот сосед. Медиумите, за средбите во Виена велат дека се „ненадејни“ и за “интензивирање на разговорите за името“.

Како што јавува дописникот на МИА од Атина, дел од медиумите во Грција коментираат дека нацрт спогодбата од грчката страна е подготвена и ќе биде презентирана во Виена, а дел, како што вчера објави МИА, дека сѐ уште се работи на неа, а Коѕијас на Димитров ќе му ја претстави во Скопје при патувањето со директен лет од Атина, веднаш штом и во пракса се промени името на скопскиот аеродром.

Коѕијас, говорејќи за државната ТВ ЕРТ пред две седмици, рече дека нацрт спогодбата ќе биде готова кон средината на февруари.

„Еден ден по ненадејната средба на двајцата министри за надворешни работи, интересот се префрла на контактите што ќе ги имаат со Нимиц. Останува непознато како ќе се движи грчката страна во однос на спогодбата што ја подготвува владата за комплетно решавање на прашањето. Односно, дали ќе му претстави на Нимиц некаков прелиминарна драфт верзија или ќе ја достави кога ќе биде завршена“, објави „То Вима“.

„Катимерини“ пишува дека контактите го потврдуваат интензивирањето на преговорите, а според дипломатски извори на весникот, во следните седмици дополнително ќе се згуснат овие контакти и средби.

„Денеска се испитуваат следните чекори во преговорите меѓу Грција и ПЈРМ, на состанок на двајцата министри за надворешни работи, Никос Коѕијас и Никола Димитров, со посредство на специјалниот претставник на ОН, Метју Нимиц. Вчера, двајцата министри имаа билатерална средба во Виена, која што беше ненадејно најавена синоќа и од три страни (Атина, Скопје, ОН), без да се знае нешто друго“, пишува „Катимерини“ и додава дека веројатно е двајцата министри да се сретнат во Софија во четврток и петок.

На 15 и 16 февруари во Софија ќе се одржи неформалниот состанок на министрите за надворешни работи на ЕУ (ГИМНИХ) на кој ќе присуствуваат и двајцата министри за надворешни работи. И покрај тоа што грчките медиуми во изминатите денови најавуваа дека Димитров и Коѕијас ќе се сретнат во бугарската престолнина, сепак, за тоа не постои официјална потврда. Веројатно е дека во зависност од тоа како ќе се движат разговорите во Виена, ќе се одредат и следните чекори.

Грчките медиуми, во нивните текстови, јавува дописникот на МИА од Атина, ја споменуваат и посетата на Зоран Заев на Турција и средбите што македонскиот премиер ги имаше со турскиот државен врв.

„Поддршка од Турција во напорите на Скопје да се интегрира во НАТО, побара и како што беше целосно очекувано, доби, премиерот на ПЈРМ Зоран Заев при неговата дводневна посета на Анкара“, пишува „Катимерини“. 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Формирана парламентарна група за унапредување на правата на ЛГБТИ

Прв пат во Македонија, пратениците јасно и гласно покажуваат дека се претставници на сите граѓани без разлика на нивната сексуална ориентација.

Ацо Колевски нов член на Советот на јавни обвинители

Колевски остана запаметен како обвинител кој се замеша во работата на СЈО, по што обвинетиот Сеад Кочан, за кој беше побаран притвор, му беше укинат.

Името во фокусот на средбата Ципрас – Меркел

Меркел продолжува да ја охрабрува власта во ПЈРМ во насока на изнаоѓање решение, пишува грчката новинска агенција - јави дописникот на МИА од Атина.

Кривични за 11 лица за третманот на девојчето од Домот „25 Мај“

Инспекторите поднеле и 12 иницијативи за покренување дисциплинска постапка против стручни лица и 13 постапки за прекршоци на стручни лица.

Струмичанец затаил данок за заработени 20.000 евра на Фејсбук

Во текот на 2015 година тој со продажба на услуги преку социјалната мрежа „Фејсбук” остварил приход од 1.260.511 денари.

НАЈЧИТАНИ