• 21 јануари 2018
  • Вести денес: 0
Плусинфо19:02 12 јануари 2018 ● Прочитано 5574

Старата Нова Година е неофицијален традиционален православен празник и се слави како почеток на новата година според јулијанскиот календар, која, според официјалниот грегоријански календар, паѓа на 14-ти јануари.

Иако во СССР грегоријанскиот календар беше официјално прифатен во 1918, Руската православна црква продолжува да го користи јулијанскиот календар. Тоа е повод некои жители на Русија двапати да ја слават Новата година, пишува Русија бијонд.

Како и во повеќето земји што го користат грегоријанскиот календар, и во Русија Нова година е национален празник и се слави на 1-ви јануари. Новата година по јулијанскиот календар се прославува неофицијално.

Голем број луѓе го почитуваат обичајот да го слават почетокот на новата година двапати: на 1 јануари („нова“ Нова година) и на 14 Јануари („стара“ Нова година). Овој празник, меѓутоа, се слави во Русија многу послабо отколку во Србија.

Според неодамнешните анкети на јавното мислење, повеќе од половината Руси на некој начин ја означува „старата“ Нова Година. А одбележувањето на „старата“ Нова година не е толку свечено како дочекот на званичната Нова година. За многу луѓе, тоа е семеен празник што го означува крајот на Новогодишните празници (во нив се вбројува и божиќната прослава на 7-ми јануари), кога се подготвуваат традиционални јадења во големи количини, се пее и наздравува.



Ако за некои тоа е носталгичен празник и можност членовите на семејството да се соберат во голем број, за други тоа е уште една причина да се излезе и да се помине забавно со пријателите и колегите, особено ако паѓа за време на викендите.

Одбележувањето на „старата“ Нова Година е забележана и во делата на руските уметници. Во 1973 Михаил Рошин ја напиша комедијата „Стара Нова година“ која со години се изведуваше во театрите.

Според споменатата драма е снимен и телевизиски филм во кој играат познати актери, а музиката ја напиша Сергеј Никитин на текст од песни на Борис Пастернак. Филмот е создаден во 1980 година во студијата на „Мосфилм“.

Обичајот на прославување на „старата“ Нова година се задржа и во многу други православни земји, како што се Ерменија, Белорусија, Босна и Херцеговина, Грузија, Казахстан, Македонија, Црна Гора, Молдавија, Србија и Украина. Исто така се слави и во Велс и Швајцарија.

За поголемиот дел од Русите зимските празници траат до 14-ти јануари и прославата на „старата“ Нова година. Според обичајот, новогодишната елка не се трга пред тој ден.

Но за православните Руси „старата“ Нова година не е крај на зимските прослави. Празничната сезона тие ја завршуваат на 19 јануари, кога се слави Богојавление.
 

Подготви: А.Ј.

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Над 677 илјади корисници на Твитер во САД следеле лажни руски сметки (ГАЛЕРИЈА)

Гигантот на социјалните медиуми откри дека ИРА преку своите 3.814 сметки објавила „175.993 твитови, од кои приближно 8.4% се поврзани со изборите“.

Путин ги споредува Ленин и комунизмот со христијанството

Рускиот претседател Владимир Путин го спореди Владимир Ленин со светец и изјави дека советските комунистички идеи доаѓаат од Библијата.

ПРОФИЛ Оливер Ивановиќ: Тврдиот орев брутално скршен

Ивановиќ беше неомилен лик кај актуелните власти во Белград, а против него со месеци провладините медиуми водеа црна кампања

Што мисли светот за политичката позадина на убиството на Оливер Ивановиќ

Убиството на Оливер Ивановиќ во Косовска Митровица е еден од оние настани кој секој мир може да го претворат во војна и секоја војна во мир.

Новата чешка Влада не доби доверба

По минатонеделното одложување на гласањето, синоќа Бабиш ги доби гласовите само на своето движење АНО, додека останатите присутни беа против.

НАЈЧИТАНИ