• 21 јануари 2018
  • Вести денес: 53
Плусинфо17:23 07 јануари 2018 ● Прочитано 9455

Во време кога скандалите за сексуално вознемирување го потресуваат Холивуд, номинациите за овогодинешниот Златен глобус ги слават женските ликови кои ги надминале траумите и токсичните мажи, а игнорираа неколку филмови и ТВ серии чии машки ликови се меѓу главните обвинети, пренесува Кликс.

Филмот „Сите пари на светот“ на Ридли Скот има три номинации - за најдобар спореден актер, режисер и актерка. Скот и филмското студио Sony донесоа одлуката без преседан за отстранување на Кевин Спејси од филмот во кој се зборува за киднапирање на 16-годишниот Џон Пол Гети III поради што некои делови од филмот се снимаа повторно. Да потсетиме, Спејси е обвинет за сексуално вознемирување на почетокот на минатата година. Овој потег очигледно вроди со плод.

Серијата „Куќа од карти“ оваа година не доби ниту една номинација за разлика од претходните, кога имаше по осум номинации. Спејси победи во 2015, а неговиот колега Робин Рајт во 2014. Со оглед на обвинувањата, Netflix објави дека Спејси нема да глуми во шестата и последна сезона од оваа серија.

Ниту една номинација нема ниту комедијата „Транспарент“ на Џил Соловеј во која игра Џефри Тамбор кој исто така е обвинет за сексуално злоставување, иако претходно имал седум номинации. Иднината на серијата е непозната бидејќи Тамбер изјави дека не знае како би се вратил кога неколку од жените во серијата, меѓу кои е и Трејс Лисет, го обвинија за несоодветно однесување.

Филмот „Три билбордите надвор од Ебинг, Мисури“, во кој една мајка бара правда за својата силувана ќерка, е пофален токму поради темата што ја обработува за време на скандалите поврзани со продуцентот Харви Вајнштајн. Тој е награден со шест номинации, меѓу кои се за најдобра драма и за најдобра актерка.

Иако имаа скандал со креативниот директор Џон Ласетер, анимираниот филм „Коко“ е номиниран за најдобар анимиран филм. Ласетер минатиот месец објави дека ќе земе шестмесечно отсуство откако беше обвинет за сексуално вознемирување.

Номинации освоија ТВ сериите во кои водечка улога имаат жените кои се борат против сексуалното насилство. Меѓу нив се „Големи мали лаги“ - шест номинации, „Бајката на робинката“ - две номинации, „13 причини зошто“ – една номинација, „Сјај“, „Изедначување“, и „Прекрасната г-ѓа Меисел“.

Свеченото прогласување на победниците ќе биде денес, на 7 јануари, а листата на номинираните може да ја видите тука.
 

Подготви: А.Ј.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Над 677 илјади корисници на Твитер во САД следеле лажни руски сметки (ГАЛЕРИЈА)

Гигантот на социјалните медиуми откри дека ИРА преку своите 3.814 сметки објавила „175.993 твитови, од кои приближно 8.4% се поврзани со изборите“.

Путин ги споредува Ленин и комунизмот со христијанството

Рускиот претседател Владимир Путин го спореди Владимир Ленин со светец и изјави дека советските комунистички идеи доаѓаат од Библијата.

ПРОФИЛ Оливер Ивановиќ: Тврдиот орев брутално скршен

Ивановиќ беше неомилен лик кај актуелните власти во Белград, а против него со месеци провладините медиуми водеа црна кампања

Што мисли светот за политичката позадина на убиството на Оливер Ивановиќ

Убиството на Оливер Ивановиќ во Косовска Митровица е еден од оние настани кој секој мир може да го претворат во војна и секоја војна во мир.

Новата чешка Влада не доби доверба

По минатонеделното одложување на гласањето, синоќа Бабиш ги доби гласовите само на своето движење АНО, додека останатите присутни беа против.

НАЈЧИТАНИ