• 19 септември 2017
  • Вести денес: 109
Плусинфо11:18 14 септември 2017 ● Прочитано 839

Денеска, Собранието го објави огласот за нов јавен обвинител на Република Македонија откако огласувањето беше изгласано од пратениците пред една недела. Со објавувањето, од денес тече и рокот од 15 дена за поднесување на кандидатури до Советот за јавни обвинители.

Обвинител може да биде дипломиран правник кој е граѓанин на Република Македонија, има положено правосуден испит и со работно искуство од најмалку осум години со потврдени резултати на правни работи, како и универзитетски професор кој предавал повеќе од 10 години некој правен предмет.

Досега, своите кандидатури ги најавија пет кандидати, нотарката Лорија Ваневска и адвокатите Звонко Давидовиќ, Александар Тортевски, Александар Наков и Сејфула Османи.

Рокот за пријавување трае 15 дена. По истекот, Владата треба да испрати барање до Советот на јавни обвинители да даде мислење за кандидатите во рок од 15 дена. Овој рок, по барање на советот, од оправдани причини може да биде продолжен за уште 15. Кога советот ќе достави мислење до Владата, Владата ќе треба да избере еден од оние кандидати за кои има позитивно мислење и да го предложи во Собранието, каде се потребни 61 глас.

Ако Советот не даде позитивно мислење за ниту еден од пријавените кандидати или Владата не може да избере, по предлог до Собранието ќе се распише нов оглас.
 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Собраниска расправа за законот за јазиците

Џафери на барање на Милошовски даде пауза и закажа продолжување на седницата во 20.30 часот.

СДСМ: Лажните анкети нема да им помогнат на Груевски и ВМРО-ДПМНЕ

Двете партии со реакции за рејтинзите откако прва реагираше опозицијата по поднесените пријави против градоначалникот на Неготино.

ВИДЕО Заев до дијаспората: Во Македонија ја враќаме демократијата и слободата

Премиерот рече дека денес во Македонија може да се постави незгодно прашање и да се види се што се случува, па дури и како на Героски му истураат боја

УНИЦЕФ: Децата да се стават во центарот на демократската дебата

Приоритетите кои денеска ги поставуваме пред изборите ќе го одредат светот во кој децата ќе живеат утре, рече претставникот на УНИЦЕФ, Брнџамин Перк

Известување на МОН за случајот со ученичките од ОУ „Братство и единство“ во Охрид

МОН укажаува дека во надлежност на директорот е да ја организира, планира и води работата на основното училиште.

НАЈЧИТАНИ