• 26 февруари 2018
  • Вести денес: 0
Плусинфо10:13 14 септември 2017 ● Прочитано 1310

Три илјади граѓани за три месеци го посетиле Изложбениот центар за електрична енергија „Матка“. Овој музеј на ЕВН, сместен во оригиналниот простор на старата хидроцентрала Матка, е прв од ваков вид во земјава и во регионот.

Изложбениот центар „Матка“ содржи експонати низ кои е прикажана историјата на електричната енергија во Македонија, како и промените што настанале со електрификацијата. Мултимедијалниот пристап и експонатите нудат уникатна можност за едукација и интеракција со посетителите без разлика дали се деца или возрасни.

Поставени се експонати за различните типови на производство на електрична енергија, приказ на ресурси, а интерактивните плазма панели и плазма топката, како и Ван де Графт генераторот нудат допир со електрицитетот.

- Електричната енергија е вистински феномен и еден од најзначајните пронајдоци на човештвото. Тргнувајќи оттаму, кај нас се роди идеја да создадеме место каде што сегашните, а особено идните поколенија ќе можат да се едуцираат и да ги надополнуваат своите знаења. Токму затоа, како општествено одговорна компанија, Изложбениот центар „Матка“ го ставаме на располагање на сите образовни институции во Македонија без надомест и се надеваме дека содржините што ги има тука ќе бидат дел од образовната програма. Наша цел е Изложбениот центар „Матка“ да биде место кое ќе ги охрабри и поттикне младите да сонуваат за иновации и прогрес - изјави Штефан Петер, претседател на Управниот одбор на ЕВН Македонија.

Неговиот впечаток кога прв пат ја посетил хидроцентралата во Матка бил како да ја сретнал заспаната убавица. Набрзо е решено старата зграда да се претвори во музеј кој ќе биде интересен, пред сѐ, за децата.

Доколку сакате да го посетите музејот можете да се најавите на мејл или да се приклучите во групите кои се организираат со водич на самото место.

Повеќе податоци има на www.matka.com.mk, /Facebook: Матка - Изложбен центар / Matka - Exhibition Center /Instagram: matka.exhibition.center

Влезот во Изложбениот центар „Матка“ е бесплатен за сите.

Изложбениот центар „Матка“ се отвори на 10 мај 2017 година. 


 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Зимска служба ги чисти улиците на Водно

Жителите на општина Центар можат да се јават на телефон 076 313 381 за да пријават доколку има проблем со снегот, информираат од општината.

Скопскиот аквадукт ќе биде реставриран ВИДЕО

Во годината посветена на европското културното наследство, нашето внимание е кон грижата за нашите културни и историски богатства, рече Заев.

Општина Центар казни шест кафулиња поради гласна музика

Инспекторите синоќа по пријави на граѓани за бучава од гласна музика спровеле инспекциски надзор во угостителските објекти.

Дел од Аеродром утре без струја

Дел од корисниците лоцирани на улицата Горноврановска во општина Аеродром, утре од 8:30 до 15 часот ќе останат без електрична енергија.

Втор ден и прогласување на победниците на натпреварот во уметничко лизгање

Церемонијата на прогласување на победниците во сите категории ќе се одржи во 12:30 часот на лизгалиштето во спортскиот центар „Борис Трајковски“.

НАЈЧИТАНИ