• 24 ноември 2017
  • Вести денес: 36
МИА10:14 14 септември 2017 ● Прочитано 400

Најмалку три лица загинаа во бурата „Себастијан“ во Германија, во чиј северен дел е регистриран ветер со јачина на ураган од 130 километри на час.

Бурата вчера го погоди западниот и северниот дел на Германија, а денеска се движи и кон источниот дел на земјата, соопштија германските метеоролози.

Неколку германски покраини објавија предупредувања во кои се советуваат жителите да останат во своите домови, додека службите за вонредни ситуации не ги исчистат патиштата и ги отстранат проблемите со недостиг на струја.

Според информации на локалните противпожарни служби, тело на маж во инвалидска количка е пронајдено во река во северниот град Хамбург. Според сведоци, тој паднал во вода, но и покрај обидите на службите за спасување, меѓу кои и нуркачи, чамец и хеликоптер „не можеле да го спасат“.

Меѓу загинатите е и еден пешак во Хамбург, кого го погодило скеле што паднало од седми кат на една зграда, соопшти полицијата. Тој е пренесен во болница, но подоцна починал.

Според податоците на локалната полиција, трета жртва е 53-годишен маж кој паднал од дрво во градот Брилион.  

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Статуа на сексуални робинки ги скара Осака и Сан Франциско

Осака ги раскина шестдецениските односи со Сан Франциско поради статуа на сексуалните робинки на јапонската армија.

Американскиот лекар призна дека сексуално злоставувал повеќе од сто млади жени

Насар е обвинет дека сексуално ги злоставувал девојчињата додека наводно ги лекувал во неговиот дом или во клиниката на Универзитетот „Мичиген Стејт“.

Полски хостел се рекламира со нацистички пароли

Хостелот се наоѓа во малото место Цезаровице, а голем број корисници на Твитер хостелот го нарекоа „Дом на нацистите“.

„Фајненшл тајмс“: „Епл“ експлоатира кинески средношколци

„Фајненшл тајмс“ претходно објави дека 3.000 студенти од кинескиот град Женгжу работат до 11 часа дневно за тајванската компанија „Фокскон“.

По драматичниот пребег, промени на границата меѓу Северна и Јужна Кореја (ВИДЕО)

Армијата на Северна Кореја ги смени сите граничари од делот на границата со Јужна Кореја каде минатата недела еден нејзин војник успеа да побегне.

НАЈЧИТАНИ