• 26 февруари 2018
  • Вести денес: 0
МИА08:47 14 септември 2017 ● Прочитано 289

Хрватскиот премиер Андреј Пленковиќ ги повика денеска попладне на итен состанок лидерите на политичките партии, на кој тема ќе бидат заострените односи меѓу Словенија и Хрватска, соопшти Владата во Загреб.

Исто така, за денеска е закажана и вонредна седница на словенечката парламентарна Комисија за одбрана, посветена на „подготовката на војската да ја спроведе арбитражната пресуда за границата со Хрватска“, која ќе се одржи по барање на претседателот на Комисијата Жан Махниќ, кој е пратеник од најголемата опозициска партија СДС.

Тоа го потврди и портпаролката на Словенечката демократска партија (СДС) Матеја Ерчуљ.

- Седницата ќе се одржи зад затворени врати во 16 часот, а потоа е можно Махниќ да даде изјава за јавноста, во зависност што ќе се случува на седницата, истакна Ерчуљ.

Словенечкиот премиер Миро Церар повеќе пати досега побарал седницата да се откаже, оценувајќи ја темата „целосно непримерна“. Тој предупреди дека на тој начин се испраќаат лоши сигнали кон меѓународната заедница околу спорот со Хрватска, бидејќи Словенија планира арбитражната одлука да ја имплементира на мирен начин. Слично реагираше и словенечкиот министер за надворешни работи Карл Ерјавец, сметајќи ја седницата за „непотребна“.

Младиот словенечки политичар од партијата на поранешниот премиер Јанез Јанша нагласи дека „Хрватска распоредува бродови со специјални единици, еден кај Умаг и еден во околината на Пула“.

- На бродовите се наоѓаат припадници на специјалните единици на хрватската војска, а не крајбрежна стража. Нивна цел е да го спречат спроведувањето на арбитражниот договор. Хрватска е подготвена да ја брани својата земја, но не знаеме како тоа ќе го направиме. Не дај Боже да дојде до конфликти, кои може да ги очекуваме од хрватска страна, додаде Махниќ, обвинувајќи го Церар дека не презема ништо во врска со тоа прашање.

Махниќ не е единствен кој споменува оружје кога станува збор за примена на одлуката на Арбитражниот суд во Хаг. Германските медиуми, кои во претходните денови информираа за тензичните односи меѓу Словенија и Хрватска, пишуваат дека „не е исклучена и употреба на сила во спорот околу Пиранскиот залив“. 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Земјотрес од 7,5 степени ја погоди Папуа Нова Гвинеја

Засега нема информации за предизвикани материјални штети или повредени лица.

НРА против предлогот на Трамп за измена на Законот за оружје

Измена на Законот беше предложена по нападот во средно училиште на Флорида, во кој загинаа 17 лица.

Земјотрес со јачина од 5,5 степени според Рихтер ја погоди Јапонија

Епицентарот на земјотресот е регистриран на 125 километри од островот Хоншу, на длабочина од 9,9 километри.

Коѕијас: На Албанија не и отстапуваме ниту педа земја

Шефот на грчката дипломатија посочи дека иформациите дека Грција отстапува дел од својата територија се лажни.

Меркел, Макрон и Путин зборувале за прекин на огнот во Сирија

Tреба да се изврши максимален притисок врз сириската Влада со цел да се прекинат нападите во Источна Гута, соопшти портпаролот на германската Влада.

НАЈЧИТАНИ