• 21 ноември 2017
  • Вести денес: 4
МИА18:07 13 септември 2017 ● Прочитано 321

 Американските власти обвинија руски дипломати за повреда на државните закони, во врска со огнот запален и оставен да гори во затворениот конзулат во Сан Франциско, кој бил празен.

Инцидентот се случил на 1 септември и за него, според локалните прописи, од дипломатите може да се побара да платат казна, јави Би-Би-Си.

Кога бил забележан густ, црн чад, како излегува од големиот оџак на зградата на конзулатот, интервенирале противпожарникарските екипи од градот.

Засега не се знае каков материјал бил запален и оставен да гори и тлее. Пожарникарите во својот извештај запишале дека не можеле да утврдат изворот на огнот, ниту какви предмети и работи биле запалени и изгорени.

Русите, пак, за целиот случај со огнот објасниле дека бил дел од „настојувањето да се конзервира објектот“.

Властите на САД сега тврдат дека случајот може да се оквалификува како „палење ѓубре“ а тоа е забрането, според прописите на градот Сан Франциско.

За вакви случаи, виновниците обично плаќаат парична казна, или во определени случаи треба и да ја надоместат штетата, но во потешки инциденти палењето може да се квалификува и како кривично дело.

Инцидентот со оставениот оган во рускиот конзулат се случи откако Стејт департментот им наложи на руските дипломати од конзулатот во Сан Франциско и во конзуларните канцеларии во Вашингтон и Њујорк, да го напуштат САД до крајот на август.

Оваа мерка Вашингтон ја објасни со одлуката на руските власти да наредат бројот на персоналот во американските дипломатски мисии во Русија, да се намали за 755 лица.

САД и Русија максимално ги заострија своите односи, откако руската страна беше обвинета за мешање во американските претседателски избори 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Експлозија во фабрика близу Њујорк, повредени најмалку 33 лица

Според првичните сознанија, никој од повредените не е во критична состојба. Пожарот сè уште не е во целост под контрола.

Европската агенција за лекови ќе се пресели во Амстердам, одлучи Советот на ЕУ

ЕБО и ЕАЛ досега се наоѓаа во Лондон. Нивното преместување се должи на одлуката на Велика Британија да ја напушти Унијата.

Американските сили бомбардираа фабрики за дрога во Авганистан

Нападите беа насочени кон изворите на финансирање на талибанците, изјави генерал Џон Николсон, додавајќи дека таквите напади ќе продолжат.

Штајнмаер: Засега не се планирани нови избори во Германија

Штајнмаер рече дека ќе има разговори со конзервативците на Ангела Меркел, Слободните демократи и со Зелените за коалициона влада.

НАЈЧИТАНИ