• 23 февруари 2018
  • Вести денес: 70
Плусинфо14:55 13 септември 2017 ● Прочитано 2867

Градоначалникот на Центар Андреј Жерновски денеска ги повика приврзаниците на СДСМ да гласаат за кандидадот за оваа партија, иако нагласи дека се уште не знае кој ќе биде кандидат за Центар.

Одлуката да се повлече од трката за втор мандат за градоначалник ја донел заедно со премиерот Зоран Заев.

- Таа одлука ја донесовме заеднички. Овој градоначалнички мандат никогаш нема да го заборавам. Тоа беше мандат исполнет со турбуленции, притисоци, уцени. Тоа беа најтешките, но и најубави години во мојот живот - рече Жерновски, заблагодарувајќи им се на жителите на Центар, кои гласаа за него дури три пати.

Посочи дека тој и неговиот тим се гордеат со постигнатите резултати.

- Без разлика кој ќе биде кандидат, приврзаниците ќе ги повикам да гласаат за опцијата која носи добро во Република Македонија и мојата одлука да работам на централно ниво е затоа што ги гледаме сите оние промени што настануваат во Република Македонија. Македонија конечно оди напред. Таа поддршка oд центарци никогаш нема да ја заборавам и останувам отворен секогаш за контакт со моите сограѓани. Секогаш кога ќе можам ќе помогнам. Договоривме со премиерот да помагам во работата на идниот градоначалник. Тој секако ќе си има своја програма, но и со моето искуство и проектите кои ги започнавме и се гордееме, да продолжат понатаму - рече Жерновски.

Тој и премиерот не разговарале конкретно на која позиција ќе оди следно.

- Сметам дека можам да помогнам со моето искуство, затоа што имам искуство и од таа власт. Се надевам дека тоа ќе биде успешна промена, затоа што локалната власт секогаш ќе ми остане во срце и не кријам дека можеби некој ден повторно ќе бидам на ваква или на некоја слична функција - рече Жерновски.

Како што посочи, во Македонија има сериозен исчекор. За прв пат на избори гласаа Албанци, Турци, Роми, за, условно кажано, една етничка македонска партија. Тоа, според Жерновски, е потребната и неопходна формула за просперитетна иднина за Република Македонија. 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Формирана парламентарна група за унапредување на правата на ЛГБТИ

Прв пат во Македонија, пратениците јасно и гласно покажуваат дека се претставници на сите граѓани без разлика на нивната сексуална ориентација.

Ацо Колевски нов член на Советот на јавни обвинители

Колевски остана запаметен како обвинител кој се замеша во работата на СЈО, по што обвинетиот Сеад Кочан, за кој беше побаран притвор, му беше укинат.

Името во фокусот на средбата Ципрас – Меркел

Меркел продолжува да ја охрабрува власта во ПЈРМ во насока на изнаоѓање решение, пишува грчката новинска агенција - јави дописникот на МИА од Атина.

Кривични за 11 лица за третманот на девојчето од Домот „25 Мај“

Инспекторите поднеле и 12 иницијативи за покренување дисциплинска постапка против стручни лица и 13 постапки за прекршоци на стручни лица.

Струмичанец затаил данок за заработени 20.000 евра на Фејсбук

Во текот на 2015 година тој со продажба на услуги преку социјалната мрежа „Фејсбук” остварил приход од 1.260.511 денари.

НАЈЧИТАНИ