• 21 ноември 2017
  • Вести денес: 4
Плусинфо14:28 13 септември 2017 ● Прочитано 956

Владата утре ќе ги објави сетот мерки наменети за економијата, најави денеска вицепремиерот за економски прашања Кочо Анѓушев. Мерките содржат три главни столба, ќе бидат подеднакво наменети и за домашните и странските инвестиции, а главен критериум ќе биде резултатот од работењето.

Вицепремиерот посочи дека основно е дека мерките се наменети за оние компании кои можат да испорачаат раст и прогрес на Македонија, односно дека резултатот од работењето на компаниите ќе биде основен критериум за добивање помош од државата.

- Сите оние компании кои се подготвени да испорачаат раст на својот приход во текот на тековната година ќе бидат финансирани и поддржани од државата во текот на наредната година во облик на поврат на одредени средства, но тие средства нема да бидат враќани во дискрециско право на преговарање, туку средствата ќе бидат враќани исклучиво во одредени критериуми и подеднакви за кој било инвеститор дали е гринфилд инвестиција или станува збор за постојни економски капацитети - рече Анѓушев.

Истакна дека подеднакво по исти и одредени критериуми ќе бидат поддржани сите инвеститори. Појасни дека ќе има три главни столба на поддршка.

- Првиот столб на поддршка ќе биде гринфлд и браунфилд инвестиции, во ТИРЗ или надвор од нив. Компании што веќе работат и ќе бидат помогнати за тие и понатаму да инвестираат и растат. Третата група ќе бидат т.н. таргетирани компании, а четвртата компаниите кои се во стечај и ликвидација и нивно рестартирање - рече Анѓушев.

Додаде дека вториот столб е практично за поддршка на извозот.

- Цело време зборуваме дека мора да имаме поддршка на извозот и затоа е креиран посебен сет мерки за поддршка на извозот. Предвидено е секоја компанија која ќе го зголеми својот извоз во фискалната година што се анализа во споредба со претходните три години ќе биде поддржана на начин што ќе има процент на поврат на нивните инвестиции што ги направиле за растот на тој извоз - рече вицепремиерот.

Ги повика компаниите да бидат храбри да инвестираат и оти ќе бидат поддржани од Владата. Поддршката ќе биде поголема како се зголемува инвестирањето.

Анѓушев потенцира дека ќе бидат поддржани резултатите, а не желбите.

- Само така ќе може да бидеме сигурни дека секој денар на даночните обврзници ќе биде максимално одговорно искористен. Само така ќе бидеме сигурни дека на тој начин ќе ја отвориме спиралата на раст на БДП, на раст на плати на подобар живот и зголемување на животниот стандард - рече вицепремиерот.

Третиот столб, посочи тој, ќе биде специјализиран за мали и средни претпријатија каде има цел сет мерки, а некои се направени по израелски пример.

Според Анѓушев, мерките не се случајно изградени, земени се предвид досегашните искуства, политиката, анализата што ја направи Светска банка, но и препораките од денеска презентираната студија на Владимир Глигоров.

По објавување на мерките ќе биде отворена дискусија со стопанските комори, финансиски институции, МАНУ, универзитетите и сите кои ценат дека можат да придонесат пред тие да бидат донесени. 
 

Фото: МИА

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Стајиќ: Со „Gulf Oil" во Македонија донесовме светски квалитет

„Супертрејд“ ги исполни сите стандарди кои беа потребни за увоз и продажба на „Gulf“ нафтата во нашата земја, вели Владимир Стајиќ.

Од среда банките и потенцијалните инвеститори ќе го посетат „Фени“

Односно бараат без одлагање да се обезбедат сите неопходни услови за непречен увид во имотот на Должникот на заинтересираните инвеститори.

Владата склучила или е пред склучување договори со 19 странски инвеститори

Ова го најави премиерот Зоран Заев, одговорајќи на новинарско прашање на заедничката прес-конференција со еврокомесарот Јоханес Хан.

НФФ: Најсиромашните земјоделци се најпогодени од новиот начин на пресметка на персоналецот

НФФ смета дека измените се направени многу брзо, без јавна, транспарентна расправа и без да се информираат и консултираат засегнатите страни.

Кумановските невработени бесплатно ќе се обучуваат за возачи

Мерката ќе ја спроведува Агенцијата за вработување, а е дел од оперативниот план на Владата.

НАЈЧИТАНИ