• 23 февруари 2018
  • Вести денес: 8
Плусинфо10:00 12 септември 2017 ● Прочитано 558

Изложба на цртежи со наслов „Омаж за тебе“ од авторката Валентина Илијевска во 20 часот во Изложбениот салон на НУ Центар за култура „Трајко Прокопиев“ во Куманово.

Валентина Илијевска е родена во Скопје 1987. Завршила средно образование во ДСУПУ „Лазар Личеноски“ - Скопје. Дипломирала на Факултетот за ликовни уметности (ФЛУ) - Скопје - Оддел графика и графички техники во класата на проф. Мирко Вујисиќ со насока - конзервација и реставрација кај проф. Невенка Величковска и проф. Момчило Трајковски. Магистрира на постдипломски студии на одделот Конзервација и реставрација на ѕидно сликарство, на Факултетот за ликовни уметности-Скопје, во класа на проф. м-р Благоја Кузмановски. 

Учествува на многубројни самостојни, меѓународни групни изложби и ликовни колонии во периодот 2009-2017.

- Ако се обидете да направите една синтеза на мистичното - сведено на таинствените математички броеви и духовните импликации предизвикани од нивниот сооднос, интуитивното - изразено како слободно креирани површини обликувани од мрежа на густи праволиниски структури и филозофското - персонифицирано во шаховска табла - живот во којшто на секој ваш повлечен потез добивате контра потез односно вашиот живот станува резултанта на исходот акција – реакција , добивате појдовна основа за анализа на најновата творечка креација на авторката Валентина Илијевска насловена како „Омаж за тебе“ - вели Роберт Цветковски, историчар на уметноста. 

Се работи за корпус од дела поставени на седум пункта, тематски и стилски поврзани со еден концепт којшто во себе вклучува цртеж, објект и просторна интервенција. Авторката еманирајќи мистична атмосфера со поставување на езотерична просторно-објектна загатка за гледачот, ќе се обиде да воспостави интеракција реферирајќи се на влијанието на енергијата и фрекфенциите рефлектирани од нејзините дела кон непосредното опкружување. Објектите се поставени на постаменти во простор при што носечкиот елемент е стилизирана фортификација изработена од картон поставена на шаховска табла. “Фортификацијата“ е во вид на квадрат отворена од горе со сина коцка ставена во центарот, лесна за визуелна детекција иако со мали димензии, благодарение на шаховската табла којашто е комбинирана со парчиња од стакло-огледало. На сите четири страни се поставени цртежи работени со туш и молив, на прв поглед правејќи илузија дека се работи за мали графички листови. Иако мали по димензии, цртежите се доста инспиративни и во себе носат универзални пораки отсликувајќи една мисловна епизода материјализирана во апстрактно сложена линиска структура исцртана мошне прецизно и на моменти делува како псеудо-фрактална структура којашто го гради просторот по некои свои правила креирајќи делумно геометризирани форми и апстрактно-асоцијативни објекти коишто инстантно се исцртуваат во перцепцијата на гледачот.

- И ако седумте пункта ги разбереме како време во денови коешто му беше потребно на креаторот да го создаде светот, фортификациите како луѓе оградени со зидови на коишто се закачени строго контролирани слики за надворешна перцепција, шаховската табла како живот којшто е партија со неизвесен крај а сината коцка е порталот преку кој сме врзани перманентно за „креаторот“ на целиот универзум тогаш сфаќаме дека се наоѓаме во простор којшто ја отсликува целата драматиката и убавина на животот. Читањето на оваа поставка дозволува слободна интерпретација затоа и насловот “Омаж за тебе“ не води кон себенаоѓање и лично толкување на изложбата, можеби различно и од самата идеја на авторката. Но она што дефинитивно е константа е сосема сигурното и самоуверено одење на Валентина Илијевска по патот зацртан уште од студенските денови, пат исполнет со љубопитност, храброст, посветеност и континуитет. Резултатите од нејзините акции се евидентни и за среќа достапни и на пошироката публика. Очекуваме и понатаму Човекот, нејзината вечна инспирација и заштитник и понатаму да ја полни со креативна енергија а ние да ја восприемаме како и досега - инвентивен уметник со интердисциплинарни предиспозиции чиишто дела нè насочуваат кон подлабоко размислување за уметноста воопшто - додава Цветковски.

Изложбата ќе биде поставена до 28 септември.

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Вработениот во кабинетот на Валмир Азири нема да добие 11.000 евра, проектот е повлечен

Министерот за култура Роберт Алаѓозовски тврди дека по реакциите на јавноста самите учесници на конкурсот ги повлекле своите проекти...

„Дожд и хартија“ од Владимир Тасиќ преведен на македонски

Романот „Дожд и хартија“ од Владимир Тасиќ е добитник на НИН-овата награда за роман во 2004 година и наградата Златен сончоглед за 2004 година.

3Д веб - сцена за „Аферата Мис Стон“ во Музејот на македонската борба

Алатката, која може да се користи како ИКТ метод во наставниот процес, ќе биде промовирана пред наставници од основните и средните училишта од Скопје.

Марко Мицов во главна улога во „Рубини“ на Баланшин во Балетот во Сан Антонио

Изведбата била на 16 февруари на 51-вата годишнина од делото кое се смета за култно во балетската уметност.

БЕРЛИНАЛЕ Главната програма – вистинско фијаско

Од филм во филм, наместо да станува подобра, селекцијата на филмови се покажува погубна.

НАЈЧИТАНИ