• 24 ноември 2017
  • Вести денес: 32
Плусинфо15:25 11 септември 2017 ● Прочитано 834

Mис Северна Дакота, 23-годишната Кара Мунд која што изјави дека Доналд Трамп греши со повлекувањето на САД од Парискиот договор за климата, е прогласена за Мис Америка за 2018 година, во Атлантик Сити. 

Кара Мунд извојува победа меѓу 51 учесничка и беше крунисана во приморски ресорт во Њу Њерси, каде што се избрани најголем дел од американските убавици.

Во едно од интервјуата на сцена, Мунд изјавила дека Трамп не бил во право што ги повлекол САД од Парискиот договор за климата, кој има за цел намалување на емисијата на штетни гасови, што придонесува за глобалното затоплување.

– Тоа е лоша одлука. Постојат докази дека климатските промени се реалност и ние треба да бидеме дел од справувањето со нив – изјавила мисицата.

Таа не е загрижена ниту за евентуална реакција од Доналд Трамп, кој смета дека Парискиот договор е лоша зделка за САД од економска гледна точка и кој исто така рече дека глобалното затоплување е лага.

Во интервју за АП, пред да почне прелиминарниот натпревар, Мунд, која живее во Бизмарк, Северна Дакота, изјавила дека има за цел да биде првата жена од нејзината држава што ќе биде избрана за гувернер.

Таа исто така изјавила дека сака да види што повеќе жени избрани на различни позиции во владата.

– Важно е да се има претстава за женскиот поглед на работите во светот. Во однос на здравството и правата на репродукција – мажите се тие кои претежно ги донесуваат одлуките – посочила Кара Мунд, која завршила на Универзитетот Браун.

Инаку Кара е прва девојка од Северна Дакота која ја добила круната за Мис Америка.

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Том Хенкс вози „пегла“

Фотографијата е објавена на неговиот Фејсбук профил и доби 13.000 “лајкови”

Најплатени манекенки, Џенер на првото место со заработка од 22 милиони долари

Заедно, десетте најплатени модели во светот вкупно заработиле 109, 5 милиони долари меѓу 1 јуни 2016 година и 1 јуни 2017 година.

Шакира откажа 17 концерти, гласните жици ѝ прокрвавеле

Славната пејачка боледува од тешко воспаление на гласните жици и состојбата се искомплицирала, а лекувањето ќе трае долго.

Ивановиќ и Швајнштајгер го чекаат своето прво дете

„Мало проширување на нашето семејство! Не можеме да бидеме посреќни“, напиша Ивановиќ.

Натали Портман: Имам 100 приказни за малтретирање на снимање

Актерката смета дека недостигот на жени на снимањата е една од причините заради што се случуваат напаствувања.

НАЈЧИТАНИ