• 24 ноември 2017
  • Вести денес: 30
Плусинфо21:10 07 септември 2017 ● Прочитано 1377

Седуммесечното претседателство на Доналд Трамп е карактеристично по доволно многу заговори со пресврти што создава чувство како земјата да живее во некој роман на Џон Ле Каре на стероиди. Како експлозивно досие напишано од поранешен шпион! Сугестии за уцена! Можен скандал и дослух! Голема борба за моќ во рамките на семејната империја за The Godfather да пружи малку светлина во драмата! Ако е за некоја утеха, Џон Ле Каре, поранешен автор на најпродаваните шпионски романи со пресврти, се согласува дека сегашната политичка сага може да се спореди со „најегзотичните заговори за време на Студената војна“. И во новото интервју, Ле Каре и Бен Макинтаер, друг писател на шпионски романи, ги проценуваат наводните врски меѓу Трамп и Владимир Путин.

Во еден фасцинантен разговор со новинарката на Њујорк тајмс, Сара Лајл, на двајцата шпионски експерти им е поставено прашањето дали мислат дека Русите навистина имаат компромитирачки материјал за претседателот на САД, пренесува Julie MilLer за Венити фер.

- Можам да ви кажам што мислат ветераните на С.И.С. (Британската тајна разузнавачка служба, или МИ6), а тоа е, да, за него има компромитирачки материјал - вели Макинтер, истакнувајќи дека тоа е стандардна процедура. „Го собираат во доволна мера, теоријата вели понатаму, од овој компромитирачки материјал потоа почнуваат да пуштаат делови од него во јавноста. Тие му направија местенка на поранешниот човек на МИ6, Крис Стил, кој стана ефективна жртва, го хранеа со некои работи што се вистинити, со некои нешта што не се вистинити, и со некои работи кои се очигледно неточни“.

За оние кои имаат потреба од освежување, во досието се содржани непотврдени белешки наведувајќи дека руската влада „го култивирала“ Трамп за време на неодамнешната кампања; дека Трамп има тајни финансиски врски со Русија; и најзлобното, дека Трамп бил вплеткан во некоја непримерна сексуална активност за време на неговите патувања во земјата. (Трамп ги негираше обвиненијата, нарекувајќи ги „лажни вести“.)

- Што значи дека Трамп може да ги негира, знаејќи дека суштината на тоа е вистинита - објаснува Макинтер. „И тогаш тој ќе го носи тој терет во остатокот од неговото претседателствување. Важно е да се запамети дека Путин е обучен офицер на К.Г.Б., и тој размислува на традиционален К.Г.Б. начин“.

- Што се однесува до Трамп, се сомневам дека имаат (компромитирачки материјал), бидејќи тие го негираат тоа - вели писателот Ле Каре. „Ако го имаат и му направиле местенка на Трамп, тие би рекле: „О, не, немаме ништо“. Но на Трамп тие му велат: „Зар не сме љубезни кон тебе?“.

Мекинтер додава дека Наталија Веселницкаја, руската адвокатка со која Доналд Трамп, зетот Џаред Кушнер и Пол Манафорт се сретнале на состанок во кулата „Трамп“ во јуни 2016 година, е карактер излезен „директно од една од нашите книги, лик што е можеби поврзан на руската држава.. . тоа се нарекува маскировка - малку маскарада - каде што создавате толку многу конфузија и несигурност и мистерија што никој не знае што е вистината“.

- За Путин, тоа е еден вид на музика која оди во заднината додека работите се одвиваат понатаму - вели писателот Ле Каре. „Разменетите документи за кулата „Трамп“ во Москва (за која се вели дека Трамп планирал да ја гради) може, ама и не може да бидат доказ. Потоа, тука се навистина и корените на сомнеж за работи на Кавказот. Постојат скандалозни делчиња кои, ако се додадат, би можеле да сугерираат дека тој отишол во Русија по пари. А тоа ќе се вклопи со фактот дека тој не е ниту половина, ниту десетти дел толку богат колку што се претставува“.
 

Подготви: А.Ј.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Стоп за стабилократијата, зајакнување на демократските институции

Важно е Европската Унија да ги научи лекциите од македонското искуство.

Монако во следните десет години очекува околу 2.700 нови милионери кои ќе бараат станови

Принципатот речиси целосно остана без станови и градежно земјиште што се нудат на продажба, а има се повеќе заинтересирани купувачи.

Медиумите пред објавување на пресудата на Младиќ: „Кампања на солзи“

Наместо за тоа за што е обвинет и зошто му се суди на Ратко Младиќ насловните страници пресудата ја чекаат со текстови за здравствената состојба.

Политички земјотрес во Берлин, што сега?

Математички и политички се исцрпени сите опции освен евентуално малцинска влада на Ангела Меркел за која шансите се минимални.

НАЈЧИТАНИ